ANTOXANA Pol Doctor n'Antropoloxía Roberto González-Quevedo González Entamu a L'HORRU: UNA ARQUITEUTURA DEL SIEGLU VENTIÚN Apuntes d'horrucultura de Xosé Nel Navarro Suárez

El llibru
Suel dicise de munches obres que nun van dexar indiferente a naide. Pero la verdá ye que nel casu de L'HORRU: UNA ARQUITEUTURA DEL SIEGLU VENTIÚN, Apuntes d'horrucultura dicir esto ye peraxustase a la realidá, porque esti llibru de Xosé Nel Navarro Suárez ye un llibru que tien unes aspeutos que lu estremen dafechu de la mayoría de los que podemos mercar nes llibreríes.
Nesti trabayu de Xosé Nel Navarro Suárez hai munchu trabayu adensáu y eso agradezse porque nél punxo l'autor balagares a esgaya de llectures y pensamientos respeutu a una clave básica de la nuesa cultura: l'horru como forma de vida y representación de la realidá nel mundu astur.
Alcontrará l'autor muncha imaxinación, tanta imaxinación qu'ún vese desbordáu por un filu, que nun termina, d'observaciones insospechaes. Con imaxinación va Xosé Nel Navarro Suaréz enfilando una aguya intelixente cola que texe un cuadru que seguramente enxamás yéramos a pensar que podía llegar a ser tan grande.

Obra abierta
Y ¿qué ye esti llibru? Unos "Apuntes d'horrucultura", diz l'autor, pero yo creo que ye un auténticu ensayu al rodiu del horru. Otros llectores dirán que ye más bien una enciclopedia y, efeutivamente, tien un aquel d'enciclopédicu esti ensayu que caltria les vieyes maderes d'horros y paneres.
Y también ye un glosariu, una inmensa riestra d'idees y frases sol sistema, quizabes galaxa, quizabes universu del horru asturianu.
Amás d'ello ye una retafila d'entamos de teoría y d'idees que nun se sabe bien onde puen terminar, que queden ehí pingando de la nuble de los pensamientos que puxen por facese realidá.
Ye un homenax al horru, esti protagonista tan importante, un homenax al oxetu cultural que, si se nos permite un aquel de chauvinismu, ye una de les pieces más suxestives y valioses de la civilización. L'horru ye una contribución inigualable, impagable ya insuperable d'Asturies a la cultura universal. Amás, nun hai qu'escaecer qu'ente los distintos horros qu'hai pel mundu, ensin dulda l'horru asturianu ye'l más importante: los demás son entamos, intentos, aproximaciones al horru, pero l'horru asturianu ye l'auténticu, la culminación d'un procesu cultural. Namás los horros noruegos son p'acercase a la vitalidá ya la perfeición estética del horru. En términos platónicos, a los que suel facer alusión Xosé Nel Navarro Suárez nesti trabayu, l'horru asturianu ye la auténtica idea, l'auténticu arquetipu, l'auténtica realidá, mientres que los otros horros de la península y del mundu son simples imitaciones, participaciones probes y, en dellos casos, asonsañamientos d'escasa entidá.
Esti llibru de Xosé Nel Navarro Suárez ye una catedral teórica gótica enllena de luz matemática pa llevantar l'horru escontra les altures. Ye un edificiu difícil, porque ye un tratáu d'arquiteutura que va resultar abegosu pa munchos llectores. Son cientos de páxines nes que quier facese la definición de lo que ye l'horru, pieza per pieza, idea per idea, estiella per estiella, pegollu per pegollu, tentemozu per tentemozu.
Abre esti llibru posibilidaes inmenses, tantes que queda ún en dellos momentos ablucáu, superáu pola lluvia d'idees. Ye un llibru abiertu al infinitu y ello espierta en dellos momentos la llerza y la sensación de que la gravedá pierde'l so centru.
Alcuentro yo nesti trabayu estes exes fundamentales: el tiempu como apropiación de la realidá, el tiempu como representación llinial, l'espaciu como apropiación de la realidá y l'espaciu como representación cultural.

El tiempu como apropiación de la realidá
A lo llargo d'esta obra va desendolcando Xosé Nel Navarro Suárez una visión de la realidá como continuidá numérica que s'espresa aritméticamente. Ye una filtración del horru pela tela de los númberos y de los esquemes aritméticos. Por esti motivu podemos comparar esta obra con una vía d'unidaes que tienen una xuntura lóxica que lleva d'un finxu a otru y d'ésti a otru más y asina ensin aparar. Ye un ensayu arquiteutónicu en clave de númberos que nun terminen enxamás, o seya, con vocación abierta o de ser infinitu, como enantes se dixo.

El tiempu como representación llinial
También esta obra ye una representación llinial del tiempu que como una flecha va dende'l pasáu y la tradición hasta la configuración (que nun sabemos entovía cómo sedrá) del futuru. Y siempre pasando pel presente, como monumentu nel que s'igua esta obra pa mirar al pasáu y asina proyeutase escontra'l porvenir, pa llanzase al mundu de les nueves formes de vida, de morada, de costumes, nes que l'horru tien que sobrevivir otra vuelta, más allá de la cenciella vida tradicional.
Esti estudiu que tien por nome L'HORRU: UNA ARQUITEUTURA DEL SIEGLU VENTIÚN ye una pina que se clava na trabe que xune los tiempos del pretéritu perfeutu ya imperfeutu col futuru ya los condicionales qu'entovía tán por definise, porque son imprevisibles ya tán abiertos al caprichu de la dinámica de la hestoria.

L'espaciu como apropiación de la realidá
Tamién nesta obra Xosé Nel Navarro Suárez fai una pertrabayada reflexón de cómo l'horru pue percibise como realidá sensible dende'l parámetru del espaciu. Por esti motivu esti llibru ye un auténticu tratáu de xeometría, un estudiu que va dende los anicios básicos a les cites y pensamientos que son como deducciones y teoremes que salen de la reflexón sobre la forma del horru. Porque l'horru ye una estructura perfeuta de llinies y de puntos, de converxencies y d'intersecciones. L'horru ye un llogru cimeru de la xeometría como patrón que define la nuesa forma de ver l'espaciu, porque nel espaciu campesín asturianu l'horru ye la sublimación de la necesidá y la razón de ser.

L'espaciu como representación cultural
Y l'horru ye tamién símbolu identitariu máximu, resume de la cultura astur, alfa y omega d'una visión asturiana del mundu, caxón máxicu ya misteriosu onde vive, concentráu en sí mesmu, el inconsciente astur. L'horru ye l'arca onde viven ya duermen los demonios familiares, les xanes ya los mitos asturianos. Nel aire que se renueva dafechu tolos díes peles xuntures de les maderes del horru vive l'espíritu nacional astur como ánxel proteutor del pueblu propiu y esterminador de les fuerces que dende fuera quieren desdibuxar la identidá asturiana, la más guapa y valoratible d'esta fastera d'Europa. Val más un horru (y perdón, otra vuelta, pol chauvinismu) que tolos preseos y cacharros iguaos fuera de les llendes astures.
Agora precisamente que l'horru ta sufriendo'l pasu del tiempu y la tresformación de la casa y la familia campesina asturiana, ye cuando hai que dicir que la pieza xeométrica y cultural que ye l'horru tien que ser un símbolu recurrente y cimeru de la conciencia identitaria asturiana en momentu de crisis y de desaniciu. Escontra los pegollos del horru habrán estrozase les potencies vecines.

Un entamu de matematización
El llibru de Xosé Nel Navarro Suaréz quier la matematización de la cultura asturiana. Desdendolca asina unos símbolos básicos (L'h, h'L, 4p, L'x, etc.) colos que va ensamando un mundu propiu y, al mesmu tiempu, universal. Y con unes regles de formación l'autor va iguando una introducción enciclopédica al horru como símbolu de la cultura asturiana, proyeición del pasáu y ferramienta del futuru, converxencia d'unidá coleutiva y referencia de les fórmules de los nuevos tiempos.
Un nuevu camín, xeométricu, difícil, pa dalguna xente quizabes insoportable. Pero siempre suxerente esti ensayu de Xosé Nel Navarro Suárez.

L'horru del yo y del nós
Esti llibru llegó a les mios manes cola meyor de les predisposiciones. Yo nací nun cuartu que ta a tres metros d'un horru pervieyu y perguapu, l'horru de la familia. Esti horru, como mueble que ye, traxéranlu más de cuarenta paisanos de la otra punta'l pueblu hasta la casa de la mia boliquina. Nun hai mundu astur ensin horru, un ser maravillosu que toos llevamos na cabeza y nel corazón. Como yá tengo escrito al falar del horru na Antropología social y cultural d'Asturies, los paisanos nun s'imaxinaben cómo la xente podía vivir nes ciudaes ensin horru onde poner el samartín, les fabes o les panoyes.
De la cabeza y del corazón del horru fala esti llibru de Xosé Nel Navarro Suárez. Un llibru que naz tamién del mundu lúdicu y de la voluntá entamadora del autor. Que la horrucultura siga y nun termine.

Roberto González-Quevedo González.
Palacios del Sil, 2003.

ANTOXANA Pol Arquiteutu José Ramón Fernández Molina

Cuando Xosé Nel Navarro Suárez me habló por primera vez de las relaciones entre el hórreo asturiano y la Arquitectura tal como él las veía, reconozco que ese dichoso condicionante cultural que nos hace desconfiar de cualquier visión sobre aquellos arquetipos que profesionalmente nos pertenecen y que no esté codificado ó normalizado en razón de nuestra particular formar de sentenciar ó saber, me hizo recelar. No sé muy bien porqué pero le seguí escuchando y escuchando hasta que me pidió ayuda institucional para propiciar y ayudar a la difusión del trabajo que hoy acompaño con estas reflexiones.

En aquel momento yo pertenecía a los órganos de gobierno de mi colegio profesional y le ofrecí la posibilidad de dar a conocer entre mis compañeros asturianos sus ideas. Luego el tiempo se hizo demasiado largo sin cumplimentar aquél proyecto y hoy me encuentro, como arquitecto de a pie, cumpliendo al menos en lo personal el deber moral de atender a una valoración, desde una cierta visión cultural, de lo que no dudo en calificar como una iniciativa del amigo Xosé Nel Navarro que me parece asombrosa.

Su pasión por su tierra, por su cultura, por la identidad de su pueblo le ha llevado a abordar una tarea gigantesca cual es la de intentar depurar lo esencial de las características iconográficas de uno de los arquetipos principales de la personalidad asturiana sino el más importante de ellos, así como a intentar establecer las claves de su proyección como tótem de una nueva era de Asturias.

Su osadía llena de valentía y de apasionada visión de lo que él entiende como propio y auténtico es conmovedora y a la vez inquietante en su ánimo provocador. Quisiera desde mi punto de vista manifestar mi respeto por sus ideas que casi no puedo juzgar.

Confío en que su trabajo sirva para romper el generalizado olvido con que mi profesión y otras instancias de esta región también, mantienen al hórreo asturiano en particular y la cultura arquitectónica popular en general. Es evidente que del olvido se pasa a la desaparición y es urgente por tanto que iniciativas como las de Xosé Nel hagan su trabajo y organicen un auténtico terremoto cultural.

Quisiera que alguien -también su autor pueda extraer lo que de válido tiene este esfuerzo osado, ingenuo, heterodoxo y tal vez peligrosamente expuesto a las críticas del establecimiento cultural, y hacerlo bueno en la dirección que todos deseamos comprobar que los rasgos de nuestra cultura están siendo identificados, valorados e instrumentados en clave positiva.

Ojalá que las ideas de Xosé Nel y otras sirvan de base para poner en marcha una plataforma en torno al estudio de la cultura del hórreo ó de la horrucultura como a él le gusta llamarla. En formato de Fundación cultural, Grupo de Estudios, Foro, etc. confiemos en su puesta en marcha en torno a la que podremos confluir muchas personas que deseamos ver nuestras señas de identidad debidamente consideradas y valoradas.

Les recomiendo que presten atención a estos Apuntes d´horrucultura con la curiosidad y el respeto con que este profesional, desde la pasión y el interés por su disciplina se ha sentido atraído por este trabajo en torno al hórreo de Asturias del que es autor Xosé Nel Navarro Suárez.

Creo que merece la pena.

Oviedo, 30 de mayo de 2003
José Ramón Fernández Molina, arquitecto